Գյումրեցի առեւտրականները կրկին փակել են փողոցները. ԳԱԼԱ

ԳԱԼԱ-ն գրում է. «Գյումրեցի առեւտրականների բողոքի ակցիան այսօր շարունակվեց: Նշենք, որ հագուստի եւ կոշկեղենի վաճառքով զբաղվող առեւտրականներին այսօր արդեն միացել են սննդի օբյեկտների եւ խանութների որոշ աշխատակիցներ:

Կան նաեւ գյումրեցիներ, ովքեր պարզապես եկել են աջակցելու առեւտրականներին: Հիշեցնենք, որ առեւտրով զբաղվող քաղաքացիները դժգոհում են այսօրվանից ուժի մեջ մտնող Շրջանառության հարկի մասին օրենքի փոփոխություններից, որով, ըստ նրանց, ավելի են դժվարացնում փոքր ու միջին գործարարությամբ զբաղվողների աշխատանքը: Որպեսզի բողոքի իրենց ձայնն ավելի լսելի դարձնեն, առեւտրականները կրկին փակել են շուկայամերձ փողոցները:

Այսօր արդեն փակ են Շահումյան-Հաղթանակի պողոտա, Շահումյան-Ավտոկայարան եւ Շահումյան-Ռիժկով փողոցները, ավտոմնեքենաների երթեւեկությունը դադարեցված է հիշյալ փողոցներով: Բողոքի ցույցի մասնակիցները շարունակում են պահանջել, որպեսզի Գյումրի ժամանեն ՀՀ վարչապետ Հովիկ Աբրահամյանը եւ գյումրեցի պատգամավորները»:

Մանրամասն` սկզբնաղբյուրում: