Հայաստանի առաջնություն. «Արարատ»-ը հաղթեց «Ալաշկերտ»-ին

Ֆուտբոլի Հայաստանի Բարձրագույն խմբի առաջնության 8-րդ տուրի վերջին խաղում  «Արարատ»-ը սեփական հարկի տակ 2:1 հաշվով հաղթեց  «Ալաշկերտ»-ին:  Հանդիպման 2-րդ րոպեին տանտերերը բացեցին հաշիվը: Գոլի հեղինակ դարձավ Ալեքսանդր Ռակիչը: Առաջին խաղակեսի վերջին րոպեին Նորայր Գյոզալյանը 11 մետրանոց  հարվածով հավասարեցրեց հաշիվը: 2-րդ խաղակեսն անցավ հյուրերի բացահայտ առավելությամբ, ովքեր, ունենալով դարպասը գրավելու մի քանի լավ հնարավորություններ, չկարողացան առաջ անցնել հաշվի մեջ:  Հիմնական ժամանակի ավարտից 5 րոպե առաջ Ալեքսանդր Ռակիչը հաղթանակ պարգևեց իր թիմին: «Արարատ»-ը տոնեց 2-րդ հաղթանակը ընթացիկ առաջնությունում: