Հայաստանի առաջնություն. «Ալաշկերտ»-ը հաղթեց «Արարատ»-ին

Ֆուտբոլի Հայաստանի առաջնության 1-ին տուրի 2-րդ խաղում «Ալաշկերտ»-ը «Նաիրի» մարզադաշտում ընդունեց «Արարատ»-ին:  Գոլառատ խաղում Արմեն Գյուլբուդաղյանցի սաները կարողացան կամային հաղթանակ տոնել:  Հանդիպման 7-րդ րոպեին Կևին Ռոբինը հեռվից կատարած գեղեցիկ հարվածով գրավեց ալաշկերտցիների դարպասը: Մինչ ընդմիջման գնալը տան տերերը հավասարեցրեցին հաշիվը: 35-րդ րոպեին գլխի հարվածով գոլի հեղինակ դարձավ Արարատ Առաքելյանը: 68-րդ րոպեին արարատցիները կրկին առաջ անցան հաշվի մեջ: Գոլի հեղինակ դարձավ Ալեքսանդր Ռակիչը: Ընդամենը 1 րոպե անց Նորայր Գյոզալյանը հաշիվը դարձրեց 2:2:  75-րդ րոպեին Արսեն Բալաբեկյանի խփած գոլը դարձավ  հաղթական «Ալաշկերտ»-ի համար: «Ալաշկերտ»-«Արարատ»՝ 3:2