Վախենամ` կատաղի մարտից առաջ ժամանակավոր անդորր է. Մանվել Եղիազարյան

Խաղաղությունը վաստակում են, ոչ թե` երաշխավորում. հիմա ժամանակավոր անդորր է, վախենամ` կատաղի մարտից առաջ եղող ժամանակավոր անդորր. լրագրողների հետ հանդիպմանը նման կարծիք հայտնեց «Արաբո» ջոկատի հրամանատար Մանվել Եղիազարյանը` անդրադառնալով վերջին շրջանում հայ-ադրբեջանական սահմանում կատարվող դեպքերին:

Նրա կարծիքով` Սոչիում եռանախագահների հանդիպման արդյունքում ձեռք բերված անդորրը ժամանակավոր է:

«Այսպես ստացվեց` Ալիևը մնաց իր կարծիքին, Սերժ Սարգսյանն՝ իր: Սոչիի բանակցությունների ամենամեծ ձեռքբերումը ՌԴ նախագահ Վլադիմիր Պուտինի հայտարարությունն էր, թե Արցախը Խորհրդային միությունից ենք ժառանգություն ստացել: Բայց սա պետք է շարունակություն ունենար և Պուտինը պետք է ասեր, որ Ադրբեջանն էլ ենք Խորհրդային միությունից ժառանգություն ստացել` այդպիսի պետություն չի եղել»,-ասաց Եղիազարյանը:

Նա նշեց նաև, որ այդ հանդիպումը սառեցրեց Արցախյան հիմնահարցի լուծումը, և ձեռք բերված պայմանավորվածությունը շատ փխրուն է: