Գագիկ Խաչատրյանը մեկնում է Հաագա

Վարչապետի այսօրվա` 496 – Ա որոշման համաձայն, ֆինանսների նախարար Գագիկ Խաչատրյանը, նրա տեղակալ Վախթանգ Միրումյանը, օգնական Էդվարդ Ստեփանյանը և թիկնապահը` ՊՊԾ աշխատակից Կարեն Նադոյանը, 2014 թվականի մայիսի 30-ից մինչև հունիսի 2-ը կգործուղվեն Հաագա` Արժույթի միջազգային հիմնադրամի / Համաշխարհային բանկի կառավարիչների և փոխկառավարիչների խորհրդի համաժողովի տարեկան հանդիպմանը մասնակցելու:

Ուշագրավ է, որ թե’ Գագիկ Խաչատրյանի, Վախթանգ Միրումյանի և Էդվարդ Ստեփանյանի` Հաագա գործուղման հետ կապված ծախսերն են փոխհատուցվելու բյուջեի միջոցներից` համաձայն փաստացի կատարված ծախսերը հիմնավորող փաստաթղթերի, թե’ Խաչատրյանի թիկապահ Կարեն Նադոյանի: Ընդ որում` թիկապահի գործուղման ծախսերը փոխհատուցվելու են` համաձայն Կարեն Նադոյանի կողմից ներկայացված հաշվետվության:

Ֆինանսների նախարարը գործուղումից վերադառնալուց հետո` եռօրյա ժամկետում, պետք է կառավարության աշխատակազմին ներկայացնի Հաագա գործուղման արդյունքների մասին հաշվետվություն: