Օլանդը Երեւանում կայցելի այնտեղ, ուր հետագայում բացվելու է «Կարֆուր»-ի առաջին հիպերմարկետը

Ի պատասխան մամուլի հրապարակման, թե Ֆրանսիայի նախագահ Ֆրանսուա Օլանդը մասնակցելու է Երևանում «Կարֆուր»-ի բացմանը, ՀՀ-ում Ֆրանսիայի դեսպանությունը հաղորդագրություն է տարածել: Դրանում, մասնավորապես, ասված է, որ Ֆրանսիայի նախագահի՝ առաջիկայում Հայաստան կատարվելիք պետական այցի ընթացքում նա ոչ թե մասնակցելու է «Կարֆուր» հիպերմարկետի բացմանը, այլ այցելելու է այն վայրը, որտեղ հետագայում տեղակայվելու եւ բացվելու է «Կարֆուր»-ի առաջին հիպերմարկետը։

Հաղորդագրության մեջ նաեւ նշված է, որ այս մասին հայտարարվել է մայիսի 6-ին Ելիսեյան պալատում Ֆրանսիայի նախագահի երկու խորհրդականների ճեպազրույցի ընթացքում, որին հայ ֆրանսախոս լրագրողները հետեւելու հնարավորություն են ունեցել ՀՀ-ում Ֆրանսիայի դեսպանատան հեռախոսակապի միջոցով: