Կիևը վերսկսել է հատուկ գործողությունը Ուկրաինայի արևելքում

Ուկրաինայի իշխանությունները երկրի արևելքում վերսկսել են գրոհը ռուսամետ անջատողականների վրա: Այս մասին հայտնում է BBC-ն՝ նշելով, որ մինչ այդ երկօրյա սուգ է հայտարարվել ողջ Ուկրաինայի տարածքում՝ ի հիշատակ Օդեսայում զինված բախումների հետևանքով զոհված տասնյակ մարդկանց:

Ուկրաինայի նախագահի պաշտոնակատար Ալեքսանդր Տուրչինովը ցավակցել է զոհվածների ընտանիքներին: Ավելի վաղ սուգ հայտարարել էին միայն Օդեսայի իշխանությունները:

Ուկրաինայի ներքին գործերի նախարար Արսեն Ավակովը հաստատել է, որ հակաահաբեկչական գործողության ակտիվ փուլը շարունակվել է նաև լուսաբացին: Մասնավորապես, Դոնեցկի շրջանի Կրամատորսկ քաղաքն այս պահին գրեթե ամբողջովին ուկրաինացի զինվորականների վերահսկողության տակ է: