Ուկրաինական ճգնաժամի ֆոնին ՆԱՏՕ-ն մտադիր է ընդլայնել համագործակցությունը Հայաստանի հետ

Ուկրաինական ճգնաժամի ֆոնին ՆԱՏՕ-ն մտադիր է ընդլայնել համագործակցությունը Հայաստանի, Ադրբեջանի և Մոլդովայի հետ. ըստ ИТАР-ТАСС-ի` գրում է գերմանական Spiegel Online-ը:

Պարբերականի  տրամադրության տակ է հայտնվել ՆԱՏՕ-ի փաստաթուղթը Մոլդովայի, Հայաստանի և Ադրբեջանի հետ համագործակցության զարգացմանն ուղղված միջոցառումների մասին: Ըստ պարբերականի` կքննարկվեն ՆԱՏՕ-ի անդամ երկրների բանակների հետ այդ երկրների բանակների համատեղելիության մակարդակը բարձրացնելու հնարավորությունները:

Երեք երկրներից յուրաքանչյուրի համար, Spiegel Online-ի համաձայն, նախատեսվում է անհատական միջոցառումների համալիր: Օրինակ` Քիշինև կուղարկվի կապի սպա, Ադրբեջանի հետ կուժեղացվի համագործակցությունն էներգետիկ և կիբերանվտանգության ոլորտում, իսկ  Հայաստանում ՆԱՏՕ-ն առաջնահերթ է համարում երկրի զինված ուժերի անձնակազմի որակավորման բարձրացումը: