Յանուկովիչը կոչ է արել ընտրությունների փոխարեն համաուկրաինական հանրաքվե անցկացնել

 Ուկրաինայի պաշտոնանկ նախագահ Վիկտոր Յանուկովիչն ուղերձով դիմել է ուկրաինացի ժողովրդին` կոչ անելով Ուկրաինայի յուրաքանչյուր շրջանի կարգավիճակի վերաբերյալ հանրաքվե անցկացնել: Ուղերձն ուղարկվել է ИТАР-ТАСС-ին:

«Որպես նախագահ, ով  մտքերով և հոգով ձեզ հետ է, կոչ եմ անում Ուկրաինայի յուրաքանչյուր ողջամիտ քաղաքացու` թույլ չտալ ինքնակոչներին օգտագործել իրեն: Ուկրաինայի կազմում յուրաքանչյուր շրջանի կարգավիճակի որոշման վերաբերյալ հանրաքվեի անցկացում պահանջեք:  Միայն համաուկրաինական հանրաքվեն կարող է զգալիորեն  կայունացնել քաղաքական իրավիճակը և պահպանել Ուկրաինայի ինքնիշխանությունն ու ամբողջականությունը»,- ասվում է ուղերձում: