Ընտրվել է Արամ MP3-ի եվրատեսիլյան երգը

Հայաստանի Հանրային հեռուստաընկերությունը տեղեկացնում է, որ «Եվրատեսիլ 2014» մրցույթի հայաստանյան մասնակցի` Արամ MP3-ի երգն արդեն ընտրված է: Մրցույթի հայաստանյան գեղարվեստական խումբը ստացել էր հայ եւ օտարազգի կոմպոզիտորների ավելի քան 75 երգ:

«Եվրատեսիլ» մեկնող երգի վերջնական ընտրությունը կատարվել է մի քանի փուլից բաղկացած լսումների, մանրամասն ուսումնասիրությունների եւ մասնագիտական focus group-ի արդյունքում: Հաշվի են առնվել համաշխարհային արդի երաժշտական միտումները, Արամ MP3-ի ձայնային տվյալներն ու երաժշտական ճաշակին համապատասխանելը:

Մրցույթի ստեղծագործական խմբի որոշմամբ` ընտրված երգը համանուն տեսահոլովակի հետ կհրապարակվի մինչեւ մարտի 15-ը: