Արամ MP3-ի եվրատեսիլյան երգի պրեմիերան` մարտի 14-ին

Հայաստանի Հանրային հեռուստաընկերությունը տեղեկացնում է, որ «Եվրատեսիլ-2014» մրցույթի հայաստանյան ներկայացուցչի` Արամ MP3-ի երգի եւ տեսահոլովակի պրեմիերան կկայանա մարտի 14-ին՝ ժամը 22-ին, Առաջին ալիքի եթերում:

Հիշեցնենք, որ մրցույթի հայաստանյան գեղարվեստական խումբը ստացել էր հայ եւ օտարազգի կոմպոզիտորների ավելի քան 75 երգ: «Եվրատեսիլ» մեկնող երգի վերջնական ընտրությունը կատարվել է մի քանի փուլերից բաղկացած լսումների, մանրամասն ուսումնասիրությունների եւ մասնագիտական focus group-ի արդյունքում: Հաշվի են առնվել համաշխարհային արդի երաժշտական տենդենցները, հայաստանյան պատվիրակ Արամ MP3-ի ձայնային տվյալներն ու երաժշտական ճաշակը: Մրցույթն այս տարի կրում է «Join us» (Միացեք մեզ) խորագիրը: