Էրդողանը գաղտնի նպատակ ունի. ընդդիմադիր կուսակցության ղեկավար

Թուրքիայի Ժողովրդա-հանրապետական կուսակցության ղեկավար Քեմալ Քըլըչդարօղլուն հանդիպել է մի շարք գրողների և լրագրողների հետ:

Taraf-ի հաղորդմամբ` ընդդիմադիր կուսակցության ղեկավարն ասել է. «Իրականում պետությունն ունի իր սեփական գաղտնի օրակարգը: Վարչապետի բոլոր պահանջներն օրինականացվում են: Այսպիսով` ղեկավարությունը մեկ հոգու ձեռքն է անցնելու: Էրդողանը գաղտնի օրակարգ ունի: Նա ուզում է իր պետությունը հիմնել: Իր բռնապետությունը հզորացնելու նպատակով HSYK-ին (Դատավորների և դատախազների բարձր խորհուրդ) փորձում է օգտագործել որպես միջոց: Նրա նպատակը միակ կուսակցություն լինելն է: Եվրոպան շատ լուրջ արձագանքներ և զգուշացումներ է անելու: Եթե այս կաշառակերությունն ու կոռուպցիան Եվրոպայում լիներ, կառավարությունը հրաժարական կտար»: