Պուտինը և Մեդվեդևը քննարկել են իրավիճակը Վոլգոգրադում

 ՌԴ նախագահ Վլադիմիր Պուտինը և վարչապետ Դմիտրիյ Մեդվեդևը քննարկել են Վոլգոգրադում տեղի ունեցած ահաբեկչություններից տուժած ընտանիքներին օգնություն տրամադրելու հարցը. հայտնում է Газета.Ru-ն:

Նրանք քննարկել են մի շարք հարցեր ` կապված տուժածներին ֆինանսական և այլ աջակցություն տրամադրելու հետ:

Հիշեցնենք, որ Վոլգոգրադում կրկնակի ահաբեկչություն է տեղի ունեցել: Նախօրեին երկաթգծի կայարանում տեղի ունեցած ահաբեկչության հետևանքով զոհվել է առնվազն 17, վիրավորվել մոտ 40 մարդ: Իսկ այսօր առավոտյան մահապարտ ահաբեկչի կողմից պայթեցում է կատարվել տրոլեյբուսում: Պայթյունի ալիքն այնքան ուժեղ է եղել, որ մոտակա շենքերում ապակիները կոտրվել են: Ըստ նախնական տվյալների՝ 12 մարդ զոհվել է , 20-ը՝ վիրավորվել: