Վոլգոգրադում ահաբեկչություններից հետո 700 մարդ է ձերբակալվել

 Վոլգոգրադում դեկտեմբերի վերջին տեղի ունեցած պայթյուններից հետո ոստիկաններն սկսել են  «Մրրիկ-հակաահաբեկչություն» գործողությունը, որի ընթացքում ձերբակալել են ավելի քան 700 մարդու. հայտնում է Интерфакс-ը: Նրանց ձերբակալել են  վարչական տարբեր իրավախախտումների համար:

 Հիշեցնենք, որ Վոլգոգրադում կրկնակի ահաբեկչություն էր տեղի ունեցել: Դեկտեմբերի 29-ին  երկաթուղային կայարանում տեղի ունեցած ահաբեկչության հետևանքով զոհվել էր առնվազն 17, վիրավորվել մոտ 40 մարդ: Իսկ 30-ի  առավոտյան մահապարտ ահաբեկչի կողմից պայթեցվել էր տրոլեյբուս: Պայթյունի ալիքն այնքան ուժեղ էր, որ մոտակա շենքերում ապակիները կոտրվել էին: