Աղետներից ու ահաբեկչություններից ավելի շատ ռուսաստանցիները վախենում են միգրանտներից

Ռուսաստանցիներն իրենց երկրի համար ամենաիրատեսական սպառնալիք են համարում Ռուսաստանի բնակեցումը այլ ազգերի ներկայացուցիչներով: Նման հավանական ելք տեսնում է նրանց 35 տոկոսը:

Հասարակական կարծիքի ուսումնասիրման համառուսաստանյան կենտրոնի (ВЦИОМ) անցկացրած հարցման համաձայն` ռուսաստանցիների այլ երկյուղների թվում են` մշակույթի, գիտության, կրթության անկումը` 33 տոկոս, աղետներն ու ահաբեկչությունները` 28 տոկոս, նավթային պաշարների սպառումը` 25 տոկոս, իշխող վերնախավի պառակտումը` 24 տոկոս, ծնելիության նվազման հետեւանքով բնակչության նվազումը` 23 տոկոս, կյանքի մակարդակի կտրուկ վատացում`22 տոկոս:

Սոցիոլոգների կարծիքով` նման երկյուղների աղբյուրները ԶԼՄ-ներն են ու անմիջականորեն կյանքի ընթացքում կատարված դեպքերը: Այսպես` միգրացիայի մասին շատ են գրում մամուլում եւ ցուցադրում հեռուստատեսությամբ. գրում է РБК daily-ն: