Ցունամի` Արարատի մարզի Այնթափ գյուղում

«Հրապարակը» գրում է, որ Արարատի մարզի Այնթապ համայնքում դեկտեմբերի 8-ին  սպասվող գյուղապետի ընտրությունները գյուղը բաժանել են 2 ճամբարի: Երկրորդ անգամ գյուղապետ է ուզում ընտրվել գործող համայնքապետ ՀՀԿ-ական Կարեն Սարգսյանը, որի մրցակիցը նախկին համայնքապետ, անկուսակցական Լյովա Թարվերդյանն է: Ասում են, որ վերջինի օրոք գյուղով կարծես ցունամի անցած լիներ. Թարվերդյանն անխնա վաճառել է գյուղի սեփականություն հանդիսացող հողերը, եւ այնթապցիք սարսափում են նրա վերադարձի հեռանկարից, սակայն նա մեծ շրջապատ ունի եւ նույնքան մեծ շանսեր, որքան մյուս թեկնածուն: Սա մարզի ամենամեծ գյուղն է՝ 12 հազար բնակչով, բավական մեծ բյուջեով, եւ պայքարն էլ նույնքան թեժ է: