Հայտնի է ֆուտբոլի Հայաստանի ազգային հավաքականի գլխավոր մարզչի թեկնածուներից մեկի անունը

«Արմենիա» հեռուստաընկերությանը տված հարցազրույցում  Հայաստանի ֆուտբոլի ֆեդերացիայի նախագահ Ռուբեն Հայրապետյանը հայտարարել է ֆուտբոլի Հայաստանի ազգային հավաքականի գլխավոր մարզչի թեկնածուներից մեկի անունը:

Նա արգենտինական «Արսենալ» ակումբի գլխավոր մարզիչ Գուստավո Ալֆարոն է, դեկտեմբերին պետք է ժամանի Երեւան: Նրա  առջեւ դրվելու է 2016թ. Եվրոպայի առաջնության եզրափակիչ մրցաշարի ուղեգիր նվաճելու խնդիր:

 Մարզիչը  2007-ին «Արսենալի» հետ նվաճել է Հարավային Ամերիկայի գավաթը (Copa Sudamericana), իսկ 2012-ին՝ Արգենտինայի առաջնության ոսկե մեդալը: 51-ամյա արգենտինացին մարզչական կարիերան սկսել է 90-ականներին արգենտինական «Աթլետիկո Ռաֆաելա» ակումբում, որի կազմում էլ ավարտել էր ֆուտբոլիստի կարիերան: