Փոփոխություններ Հայաստանի Բարձրագույն և Առաջին խմբերի առաջնությունների խաղացանկերում

Հայաստանի Բարձրագույն և Առաջին խմբերի առաջնությունների խաղացանկերում տեղի են ունեցել փոփոխություններ. հայտնում է ffa.am-ը:

Ս.թ. սեպտեմբերի 28-ից Հայաստանի Բարձրագույն և Առաջին խմբերի առաջնությունների խաղերը կսկսվեն ժամը 15:00-ին, իսկ Երևանի «Հանրապետական», «Հրազդան» և ՀՖՖ տեխնիկական կենտրոն՝ Ֆուտբոլի ակադեմիայի մարզադաշտերում նշանակված խաղերը ժամը 18:00-ին:

Սեպտեմբերի 29-ին նշանակված Հայաստանի Բարձրագույն խմբի առաջնության «Գանձասար»-«Ուլիս» հանդիպումը կկայանա սեպտեմբերի 27-ին:

Հայաստանի ազգային հավաքականների նախապատրաստական փուլը պատշաճ մակարդակով կազմակերպելու նպատակով Հայաստանի Բարձրագույն խմբի առաջնության 8-րդ տուրի հանդիպումները հետաձգվել են:

Այդ մասին ՀՖՖ պաշտոնական կայքին հայտնել է ՀՖՖ մրցումների կազմակերպման և անցկացման բաժինը: