Փոփոխություններ Հայաստանի Բարձրագույն և Առաջին խմբի առաջնությունների խաղացանկերում

Ինչպես տեղեկացնում է ՀՖՖ Մրցումների կազմակերպման և անցկացման բաժինը, Հայաստանի Բարձրագույն և Առաջին խմբերի առաջնությունների խաղացանկերում տեղի են ունեցել փոփոխություններ:

Մարտի 2-ից սկսած «Փյունիկ» թիմը բոլոր տնային հանդիպումները կանցկացնի Վազգեն Սարգսյանի անվան «Հանրապետական» մարզադաշտում:

Մարտի 7-ից սկսած «Փյունիկ-2» թիմը բոլոր տնային հանդիպումները կանցկացնի ՀՖՖ Տեխնիկական կենտրոնի՝ Ֆուտբոլի ակադեմիայի մարզադաշտում:

Հայաստանի Բարձրագույն խմբի առաջնության 16-րդ տուրի «Միկա»-«Արարատ» հանդիպումը կկայանա Աշտարակի «Քասախի մարզիկ» մարզադաշտում:

Հայաստանի Բարձրագույն խմբի առաջնության 16-րդ տուրի «Փյունիկ»-«Բանանց» հանդիպումը կսկսվի ժամը 14:00-ին: