Արարատի ոստիկանապետը ուզում է քաղաքապետ դառնալ. ՛՛Հրապարակ՛՛

Արարատի քաղաքապետի պաշտոնի համար կրքերը գնալով թեժանում են: Ընտրությունների կոնկրետ օրը դեռ հայտնի չէ, բայց հավակնորդների թիվը համալրվել է եւս մեկով։ «Հրապարակ»-ի տեղեկություններով, քաղաքապետի թեկնածություն առաջադրելու մտադրություն ունի Արարատի ոստիկանապետ Կարեն Խաչատրյանը՝ «Բարգավաճ Հայաստան» կուսակցության նախկին անդամ,  Արարատ եւ Վեդի քաղաքների ԲՀԿ տարածքային կառույցի նախկին փոխնախագահ, ում՝ ԲՀԿ-ից դուրս գալուց անմիջապես հետո, անցած տարի հունվարին նշանակեցին ոստիկանապետ:

Խաչատրյանը 2004թ.եւս առաջադրել է իր թեկնածությունը եւ Հայկ Հայկյանի հետ միասին պարտվել նախկին քաղաքապետ Հակոբ Թովմասյանին, ով այս անգամ չի պատրաստվում առաջադրվել: Նախկին հավակնորդներից նախկին մանկավարժ, ՀՀԿ անդամ Հայկ Հայկյանը, ըստ լուրերի, այլեւս չի վայելում ԱԺ պատգամավոր Արայիկ Գրիգորյանի հովանավորությունը: «Ավշարի» սեփականատերը, ում խոսքն այս քաղաքում վճռական ազդեցություն ունի, այժմ սատարում է  ՀՀԿ-ական մյուս թեկնածու Վլադիմիր (Ժորա) Հովհաննիսյանին, ով երկար տարիներ աշխատել է գյուղնախարարությունում՝ վարչության պետի պաշտոն է զբաղեցրել:

Ի դեպ, լուրեր կան, որ հենց Արայիկ Գրիգորյանն էլ լինելու է ՀՀԿ նախընտրական շտաբի ղեկավարը:

Շարունակությունը կարդացեք «Հրապարակ»-ի այսօրվա համարում: