Մերկելը կանցլեր կդառնա երրորդ անգամ

Սեպտեմբերի 22-ին Գերմանիայում տեղի են ունեցել Բունդեսթագի ընտրությունները: Գերմանացիներն ընտրել են խորհրդարանի 598 անդամ, որոնք էլ պետք է ձեւավորեն կառավարությունը եւ հաստատեն կանցլերին:

Ընտրություններին մասնակցել են գործող կանցլեր Անգելա Մերկելի գլխավորած Քրիստոնեա-դեմոկրատական միությունը, ֆինանսների նախկին նախարար Պեր Շտայնբրյուկի գլխավորած Սոցիալ-դեմոկրատական կուսակցությունը, Կանաչների կուսակցությունը, Ձախերը եւ ոչ խորհրդարանական կուսակցություններ:

Ինչպես եւ գնահատում էին սոցիոլոգները, ընտրություններում հաղթել է գործող կանցլեր Անգելա Մերկելի ղեկավարած ուժը՝ համամասնական ընտրակարգով հավաքելով ավելի քան 40, մեծամասնական ընտրակարգով՝ 45 տոկոս ձայն:

Ընդդիմադիր Սոցիալ-դեմոկրատական կուսակցությունը համամասնական ցուցակով հավաքել է մոտ 26, մեծամասնականով՝ 30 տոկոս ձայն:

Արդյունքում` Անգելա Մերկելը կպահպանի կանցլերի աթոռը արդեն երրորդ անգամ: