Դատապարտյալին տեղափոխել են հոգեբուժարան

Հոգեկան խնդիրներ ունեցող Արտակ Սիմոնյանը «Դատապարտյալների հիվանդանոց» ՔԿՀ-ում պատիժը կրելուց հետո դատարանի որոշմամբ տեղափոխվել էր ՀՀ ԱՆ «Հոգեբուժական բժշկական կենտրոն» ՓԲԸ-ի Նորքի կլինիկայի ընդհանուր հսկողության հոգեբուժական բաժանմունք` հարկադիր բուժում ստանալու. հայտնում են ՄԻՊ-ի գրասենյակից:

Թեեւ Ա. Սիմոնյանին բուժող բժիշկը վերջինիս առողջական վիճակը գնահատել էր դրական և դիմել հարկադրական բուժման վերանայման միջգերատեսչական հանձնաժողովին, որպեսզի համապատասխան բուժզննում անցկացնի և դուրս գրման վերաբերյալ եզրակացություն ներկայացնի, Արտակ Սիմոնյանը շարունակում էր գտնվել հոգեբուժարանում, քանի որ դուրս գրման միջնորդությունը հանձնաժողովի կողմից մերժվում էր:

Ա. Սիմոնյանի մայրը վերջերս դիմել էր Մարդու իրավունքների պաշտպանի աշխատակազմ, որի միջամտության արդյունքում հարկադրական բուժման վերանայման միջգերատեսչական հանձնաժողովում Արտակ Սիմոնյանն անցել է բուժզննում և տրված եզրակացության հիման վրա ենթակա է դուրս գրման: Քաղաքացու անուն-ազգանունը փոխված է: