Բուենոս Այրեսում մեկնարկել է ՄՕԿ-ի գործկոմի նիստը

Արգենտինայի մայրաքաղաք  Բուենոս Այրեսում այսօր մեկնարկել է  Միջազգային օլիմպիական կոմիտեի (ՄՕԿ) 125-րդ նստաշրջանը և գործկոմի նիստը: Այն կտևի մինչև սեպտեմբերի 10-ը: Համաժողովը կորոշի  օլիմպիական  շարժման ուղղությունը առաջիկա ժամանակահատվածի կտրվածքով: 

Սեպտեմբերի 7-ին  գործկոմի անդամները կընտրեն 2020թ. ամառային  խաղերի  օլիմպիական մայրաքաղաքը: Արդեն հայտնի է, որ հավակնորդներն  են  Մադրիդը (Իսպանիա), Տոկիոն (Ճապոնիա) և Ստամբուլը (Թուրքիա):

Հաջորդ օրը` սեպտեմբերի 8-ին, նաև հայտնի կդառնա,  թե 2020թ. օլիմպիական խաղերից դուրս մնացած երեք սպորտաձևերից` ըմբշամարտ, բեյսբոլ-սոֆտբոլ և սկվոշ, որը կընդգրկվի խաղերի ծրագրում: 

Նստաշրջանի վերջին օրը ՄՕԿ-ի գործող նախագահ Ժակ Ռոգեն վայր կդնի իր լիազորությունները: Սեպտեմբերի 10-ին հայտնի կդառնա ՄՕԿ-ի նոր նախագահի անունը: Թեկնածուները վեցն են` Թոմաս Բախ (Գերմանիա), Սեր Միանգ (Սինգապուր), Չինգ Կուք Վու (Թայվան), Ռիչարդ  Կերրիոն (Պուերտո Ռիկո), Դենիս Օսվալդ (Շվեյցարիա),  Սերգեյ Բուբկա (Ուկրաինա):

  ՀԱՕԿ լրատվության բաժին