Սահակաշվիլին պահանջում է Վրաստանի գլխավոր դատախազի հրաժարականը

Այսօր Վրաստանի նախագահ Միխեիլ Սահակաշվիլին կառավարությունից պահանջել է  հատուկ դիմում ներկայացնել երկրի գլխավոր դատախազ Արչիլ Կբիլաշվիլիին պաշտոնանկ անելու մասին:

«Կտրականապես պահանջում եմ Վրաստանի կառավարությունից անհապաղ ինձ ներկայացնել` Սահմանադրության եւ օրենսդրության շրջանակներում, գլխավոր դատախազի հրաժարականը, քանի որ նա խախտել է արդարության գերակայության գլխավոր սկզբունքը, եւ ես հենց այսօր այն կբավարարեմ»,- հայտարարել է նախագահը: Հակառակ դեպքում, ըստ նրա, հարցականի տակ կդրվի վարչապետ Բիձինա Իվանիշվիլիի վրդովմունքը:

Վրաստանի գլխավոր դատախազի պաշտոնանկության հարցը ակտիվորեն քննարկվեց վրացական ԶԼՄ-ներում այն բանից հետո, երբ վարչապետ Իվանիշվիլին դժգոհություն հայտնեց Կբիլաշվիլիի` «բանտային սկանդալի» քրեական գործով հիմնական մեղադրյալ Վլադիմիր Բեդուկաձեին ազատ արձակելու մասին որոշման կապակցությամբ: Հենց Բեդուկաձեն էր Թբիլիսիի բանտում բանտարկյալներին կտտանքների ենթարկելու վերաբերյալ տեսանյութերի հեղինակը: