Վրաստանի ընդդիմությունը սկանդալից հետո պահանջում է խորհրդարանի նախագահի հրաժարականը

Արդեն տեղեկացրել ենք, որ Վրաստանի խորհրդարանում անցկացվող`Ուղղափառության միջխորհրդարանական վեհաժողովի ժամանակ սկանդալ է տեղի ունեցել: Վրացի  ընդդիմադիր պատգամավորներին դուր չի եկել, որ Ռուսաստանի Պետդումայի պատգամավոր Սերգեյ Գավրիլովը, որը նախագահում էր նիստը, նստել է Վրաստանի խորհրդարանի խոսնակի տեղում:

Նիստը ավելի ուշ դադարեցվել է:

РИА Новости-ն հայտնում է, որ  Վրաստանի ընդդիմադիր կուսակցությունների պատգամավորները միջադեպից հետո պահանջել են խորհրդարանի նախագահ Իրակլի Կոբախիձեի հրաժարականը:

Նշենք, որ միաժամանակ Թբիլիսիում ակցիա է անցկացվում. հարյուրավոր ակտիվիստներ պահանջում են, որպեսզի ռուսական պատվիրակները անհապաղ լքեն երկիրը: