Կահիրեում գրավել ու կողոպտել են իշխող կուսակցության գրասենյակը

Ցուցարարները Կահիրեում գրավել են երկրի իշխող` «Մուսուլման եղբայրներ» կուսակցության գլխավոր գրասենյակը. հայտնում է France-Presse-ը: Ցուցարարները նախ այրել են շենքը, հետո սկսել են թալանը: Գրասենյակում  այդ պահին ոչ ոք չի եղել, շարժման անդամներն ավելի վաղ տարհանվել են: Ըստ Reuters-ի` շենքի գրավման ժամանակ զոհվել է 5, վիրավորվել ավելի քան 100 մարդ: 

Ականատեսների խոսքերով` ցուցարարները շենքի պատուհաններից դուրս են նետում տարբեր իրեր, ինչպես նաև դուրս բերում կահույքը:

Հիշեցնենք, որ անկարգություններն Եգիպտոսում սկսվել են նախագահ Մոհամեդ Մուրսիի երդման արարողության տարելիցի նախաշեմին: Ցուցարարներն իշխանափոխություն են պահանջում: