Թուրքիայում ցուցարարներն այրել են իշխող կուսակցության գրասենյակը

Թուրքիայում շարունակվում են հակաիշխանական ցույցերը: Իզմիրում կիրակի գիշերը ցուցարարները այրել են իշխող «Արդարություն և զարգացոջմ» կուսակցության (AKP) գրասենյակը. հայտնում է Reuters-ը: Հրդեհը հաջողվել է մեկուսացնել:

Ամենադաժան բախումներ տեղի են ունեցել Ստամբուլի կենտրոնում` Բեշիքթաշ թաղամասում: Այստեղ ցուցարարներին ցրելու համար ոստիկանությունը ստիպված է եղել արցունքաբեր գազ կիրառել:

Ոստիկանության հետ բախումները սկսվել են Թաքսիմ հրապարակի Գեզի զբոսայգու քանդման դեմ բողոքի ակցիայից հետո: Միայն մայիսի 31-ին ձերբակալվել է ավելի քան 1700 մարդ: Ցույցերը անցել են մոտ 67 քաղաքում: Տուծածների թիվը հասնում է հարյուրների:

Ցուցարարներն իշխանություններից պահանջում են հրաժարվել զբոսայգին քանդելու և այնտեղ առևտրի կենտրոն կառուցելու մտքից: