Երկու արծաթե մեդալ` ըմբշամարտի Եվրոպայի պատանեկան առաջնությունից

Արդեն տեղեկացրել ենք, որ Մոնտենեգրոյի Բար քաղաքում հունիսի 18-ից մեկնարկել է ըմբշամարտի պատանեկան առաջնությունը: 

Մրցութային առաջին օրը մրցագորգ էին դուրս եկել 42 կգ, 50 կգ, 58 կգ, 69 կգ և 85 կգ քաշային կարգի ազատ ոճի ըմբիշները:

Վահե Մատինյանը (50 կգ) և  Տիգրան Մնացականյանը (69 կգ) եզրափակիչում պարտվել են, համապատասխանաբար, ռուս և ադրբեջանցի ըմբիշների: Երրորդ տեղի համար գոտեմարտում 42 կգ քաշային Նաիրի Ղարսյանը  պարտվել և զբաղեցրել է հինգերորդ տեղը: 85 կգ քաշային, վանաձորցի  Ռազմիկ Պողոսյանը, ով Եվրոպայի 2012թ. առաջնության բրոնզե մեդալակիրն էր, պարտվել և դուրս է մնացել մեդալների համար պայքարից:

Հիշեցնենք, որ առաջնությունն անցկացվում է նոր կանոններով: 

Այսօր մրցագորգ դուրս կգան 46, 54, 63, 76, 100 կգ քաշային ազատ ոճի ըմբիշները: