Կարմիր խաչը տվյալներ չունի Սիրիայում քիմիական զենքի կիրառման մասին

Կարմիր խաչի միջազգային կոմիտեն տվյալներ չունի Սիրիայում քիմիական զենքի կիրառման մասին. այսօր, ըստ ИТАР-ТАСС-ի, հայտարարել է միջազգային կազմակերպության օպերատիվ գործունեության վարչության ղեկավար Ռոբերտ Մարդինին` ելույթ ունենալով «Հակամարտությունների տիպաբանությունը. նոր պատերազմներ եւ իրադրությունը Մերձավոր Արեւելքում» միջազգային գիտաժողովում:

«Ուղղակի ապացույցներ երկու կողմից` ե'ւ ընդդիմության, ե'ւ սիրիական բանակի, քիմիական զենքի կիրառման մասին ԿԽՄԿ-ն չունի: Եթե նման ապացույցներ ի հայտ գան, դրանք կփոխանցվեն համապատասխան միջազգային մարմիններին: Լայն հասարակությանը այդ տվյալները չեն ներկայացվի. այդպիսին է Կարմիր խաչի քաղաքականությունը»,- ասել է նա: