ԱՄՆ-ը չի կարող հաստատել Ուկրաինայում քիմիական զենքի կիրառման մասին լուրերը. Պենտագոն

ԱՄՆ-ը տեղյակ է Մարիուպոլում քիմիական նյութերի հնարավոր կիրառման մասին տեղեկատվությանը, սակայն Պենտագոնը չի կարող հաստատել այդ հաղորդագրությունները։ Այս մասին հայտնրել է ԱՄՆ պաշտպանության նախարարության մամուլի քարտուղար Ջոն Քիրբին. հայտնում է Reuters-ը։

«Այս հաղորդումները, եթե ճիշտ են, խոր մտահոգություն են առաջացնում և արտացոլում մեր մտավախությունները, որ Ռուսաստանը կարող է կիրառել Ուկրաինայում անկարգությունների դեմ պայքարի տարբեր միջոցներ, այդ թվում՝ արցունքաբեր գազ՝ խառնված քիմիական նյութերով»,- մեկնաբանել է նա։

Ավելի վաղ ուկրաինացի զինծառայողները հայտարարել էին Մարիուպոլի արդյունաբերական գոտում Դոնեցկի Ժողովրդական Հանրապետության կողմից քիմիական զենքի ենթադրյալ կիրառման մասին։ Ավելի ուշ Դոնեցկի Ժողովրդական Միլիցիայի ներկայացուցիչ Էդուարդ Բասուրինը հերքել էր այս լուրերը։