ԱՄՆ պետդեպարտամենտը հետաքննում է իր աշխատակիցների հանցագործությունները

ԱՄՆ պետդեպարտամենտը հետաքննում է ամերիկյան դեսպանատների աշխատակիցների գործերը, որոնք կասկածվում են սեռական բնույթի եւ այլ հանցագործությունների մեջ. տեղեկացնում է BBC-ն: 

Գերատեսչության մամուլի ներկայացուցիչ Ջեն Պսակին տեղեկացրել է, որ հետաքննությունը սկսվել է CBS հեռուստատեսության ռոպորտաժի ցուցադրումից հետո, որում խոսք էր գնում անվտանգության ծառայության մի սպայի մասին, ով Բեյրութում անարգել է իր կողմից որպես թիկնապահ վարձված օտարերկրացիներին: Հեռուստառեպորտաժում նաեւ ներկայացվել է Բաղդադում ԱՄՆ դեսպանատան աշխատակիցների` թմրանյութեր վաճառելու մասին պատմությունը, նաեւ այն, որ պետդեպարտամենտի անվտանգության ծառայության աշխատակիցներն օգտվել են մարմնավաճառների ծառայություններից պաշտոնական այցերի ժամանակ:

Բելգիայում ԱՄՆ դեսպանն արդեն անհիմն է որակել մեղադրանքները, թե մարմնավաճառներին իր կեցավայրի մոտակայքի այգին է ուղեկցել, թեեւ նրա անունը ռեպորտաժում չի հիշատակվել: