ՄԱԿ-ը հետաքննում է մարդասիրական օգնության գողության դեպքերը

ՄԱԿ-ը հետաքննում է Սոմալիի սովյալներին տրամադրվելիք մարդասիրական օգնության գողության դեպքերը:

ՄԱԿ-ի մամուլի քարտուղարի տեղակալ Ֆարահ Հակը հայտարարել է, որ Պարենի համաշխարհային ծրագիրը կդադարեցնի համագործակցությունը նրանց հետ, ովքեր պատասխանատու կհամարվեն գողությունների համար: Թե որքան պարեն է գողացվել, չի տեղեկացվում:

Սովից արդեն մահացել են տասնյակ հազարավոր սոմալիցիներ: Սեպտեմբերին ՄԱԿ-ի Անվտանգության խորհուրդը հատուկ խորհրդակցություն է հրավիրելու Սոմալիին օգնություն ցուցաբերելու հարցով: Մշակվելու է գործողությունների կոնկրետ ծրագիր հումանիտար օգնության եւ անվտանգության ոլորտների համար. տեղեկացնում է «Ազատություն» ռադիոկայանի ռուսաստանյան ծառայությունը: