Բրիտանացի միլիոնատերը 10 տարվա ազատազրկման է դատապարտվել

Լոնդոնի դատարանը այսօր 10 տարվա ազատազրկման է դատապարտել միլիոնատեր Ջեյմս Մաքկորմիկին, որը մեղադրվում է օտարերկյա ուժային կառույցների եւ մասնավոր ընկերությունների ոչ պիտանի սարքավորումներ վաճառելու մեջ: Այդ ճանապարհով էլ նա կուտակել է 75 մլն դոլար. տեղեկացնում է ИТАР-ТАСС-ը:

Մաքկորմիկից պայթուցիկ նյութերի հայտնաբերման կեղծ սարքավորումներ  են գնել Իրաքի, Վրաստանի, Լիբանանի, Պակիստանի, Մեքսիկայի եւ Թաիլանդի պետական կազմակերպություններ ու մասնավոր ընկերություններ:

Դատավարության ընթացքում պարզվել է, որ բրիտանացին ԱՄՆ-ից 20 դոլարով գոլֆի գնդակներ որոնող սարքեր է գնել, ապա, դրանց ինչ-որ ալեհավաքներ եւ լամպեր կպցնելով, վերավաճառել` յուրաքանչյուրը 40 հազար դոլարով: