Հաղթած ''Ռեալ''-ը դուրս մնաց հետագա պայքարից

Ավարտվեց Չեմպիոնների լիգայի կիսաեզրափակիչ պատասխան հանդիպումը Մադրիդի  «Ռեալ»-ի և Դորտմունդի«Բորուսիա»-ի միջև:

«Սերուցքայիններին» հաջողվեց հաղթել սեփական խաղադաշտում, սակայն եզրափակիչի ուղեգիր չնվաճեցին: Հանդիպման սկզբում «Ռեալ»-ի  ֆուտբոլիստները չկարողացան իրացնել իրական գոլային երեք պահ: Առաջին գոլազուրկ խաղակեսը ձեռնտու էր դորտմունդցիներին:  Երկրորդ խաղակեսում գոլային պահեր ունեցան նաև դորտմունդցիները, սակայն մեկ դարպասաձողը, մեկ մադրիդցիների դարպասապահ Լոպեսը փրկում են թիմին:

Խաղի ավարտին՝ նախ` 82-րդ  րոպեին փոխարինման դուրս եկած Կարիմ Բենզեման բացում է խաղի հաշիվը՝ ակտիվացնելով խաղի վերջնամասը: Հինգ րոպե անց «Ռեալ»-ի երկրպագուները կրկին ցնծության մեջ էին՝ Սերխո Ռամոսը կրկնապատկում է հաշիվը: Հուրախություն «Բորուսիա»-ի երկրպագուների, մադրիդցիներին չհաջողվեց երրորդ գնդակը խփել:

Այսպիսով` հայտնի է Չեմպիոնների լիգայի եզրափակիչի առաջին մասնակիցը: Թե ո՞վ կլինի «Բորուսիա»-ի մրցակիցը,  հայտնի կլինի մայիսի մեկին՝ «Բարսելոնա»- «Բավարիա» հանդիպումից հետո, որը կկայանա  «Կամպ Նոու» -ում ժամը 22:45-ին: