Գվատեմալան ճանաչել է Պաղեստինի ինքնիշխանությունը

Գվատեմալայի կառավարությունը Պաղեստինը ճանաչել է որպես «ազատ, անկախ եւ ինքնիշխան» պետություն` այս տարի դառնալով առաջին երկիրը, որը կատարել է այդ քայլը. տեղեկացնում է ИТАР-ТАСС-ը:

Գվատեմալան որոշել է «միանալ Լատինական Ամերիկայի եւ Կարիբյան ավազանի երկրների մեծամասնությանը, որոնք ճանաչում են պաղեստինյան պետությունը». ասված է այսօր երկրի նախագահ Օտտո Պերես Մոլինայի պաշտոնական հաղորդագրության մեջ:

«Այդ որոշումը ոչ մի կերպ չի խախտի Գվատեմալայի եւ Իսրայելի բարեկամական հարաբերությունները եւ համագործակցությունը»,- նշվում է փաստաթղթում:

Պաղեստինի անկախությունն առայժմ ճանաչել է ՄԱԿ-ի անդամ 133 պետություն: Անցյալ տարվա նոյեմբերին ՄԱԿ-ի Գլխավոր ասամբլեան Պաղեստինին տվեց ՄԱԿ-ում դիտորդ պետության կարգավիճակ: