Ուկրաինան Ադրբեջանից գազ կներմուծի Ռուսաստանի՞ տարածքով

Ուկրաինան դիտարկում է Թուրքմենստանից և Ադրբեջանից Ռուսաստանի տարածքով գազ ներմուծելու տարբերակը. գրում է Contact.az-ը` հղում կատարելով Ուկրաինայի վարչապետ Նիկոլայ Ազարովին:

Վարչապետն ասել է, որ Ուկրաինան հույսը չի կորցնում` մինչև 2014թ. վերջը պայմանագիր կնքել Ադրբեջանից գազ մատակարարելու մասին:

«Կան նման հաշվարկներ և պայմանավորվածություններ: Բայց ի՞նչ է նշանակում մեզ համար գազ Ադրբեջանից ստանալը: Կա'մ այն պետք է ստանալ Ռուսաստանի տարածքով անցնող գազատարերի միջոցով, կա'մ էլ կառուցել նորը, ինչը ծախսատար է և քիչ հավանական: Ես կցանկանայի հիշեցնել, որ երբ մենք ստորագրեցինք ԱՊՀ տարածքում ազատ առևտրի վերաբերյալ փաստաթուղթը, պայմանավորվեցինք նաև մեր երկրների ընդհանուր տրանսպորտային համակարգի մասին»,- հայտարարել է Ազարովը: