Երեկ պաշտոնանկ արված Աղաջանյանը կնշանակվի ԼՂՀ ոստիկանապետ

«Ժողովուրդ»-ի լավատեղյակ աղբյուրները փոխանցում են, որ օրերս Լեռնային Ղարաբաղի Հանրապետության ոստիկանության պետ կնշանակվի գեներալ-մայոր Կամո Աղաջանյանը:

Երեկ Սերժ Սարգսյանը առանց պաշտոնական բացատրության, գրում է թերթը, նրան ազատեց Հայաստանի Հանրապետության զինված ուժերի 1-ին բանակային կորպուսի հրամանատարի պաշտոնից` փոխարենը նշանակելով գնդապետ Տիգրան Փարվանյանին:

«Ժողովուրդ»-ը փորձել է ստացած տեղեկությունը ճշտել ԼՂՀ նախագահ Բակո Սահակյանի մամլո խոսնակ Դավիթ Բաբայանից: Վերջինս թերթին վստահեցրել է. «Դեռևս նման հրամանագիր չկա, եթե նման բան լինի, մենք պետք է տարածենք: Իսկ մենք դեռևս այդպիսի բան չենք տարածել»:

Ամեն դեպքում, նշում է թերթի աղբյուրները վստահեցնում են, որ ԼՂՀ նախագահի կողմից այդ նշանակումը շուտով կարվի: