Ջավախահայերը պահանջում են վավերացնել Տարածաշրջանային լեզուների եվրոպական խարտիան

Ջավախահայերը պահանջել են երկրի իշխանություններից անմիջապես վավերացնել Տարածաշրջանային լեզուների եվրոպական խարտիան: Դա նոր լարվածություն է առաջացրել նախագահ Միխեիլ Սահակաշվիլիի եւ վարչապետ Բիձինա Իվանիշվիլիի դիմակայությունում. տեղեկացնում է apnsy.ge-ն:

Սահակաշվիլին հայտարարել է, որ խարտիայի վավերացումը սպառնում է ազգային անվտանգությանը եւ մեղադրել է իր ընդդիմախոսներին հայկական ազգայնականությանը սատարելու մեջ:

Ի դեպ, Սահակաշվիլին ինքն է 1999 թվականի պնդել, որ Վրաստանը միանա խարտիային` դա հիմնավորելով  ԵԽ-ին Վրաստանի անդամակցությունն արագացնելու ցանկությամբ: «Նա այնքան էր ցանկանում այդ հարցում առաջ անցնել Ադրբեջանից ու Հայաստանից, որ չէր մտածում հետեւանքների մասին»,- ասել է Վրաստանի վերաինտեգրման նախարար Պաատա Զաքարեիշվիլին: Նախարարի կարծիքով` ներկայումս երկիրն այլ ճանապարհ չունի, քան խարտիան վավերացնելը: «Հակառակ դեպքում` պետք է հրաժարվել եվրաինտեգրումից»,- զգուշացրել է նա: