Աքրամ Այլիսլիին զրկեցին ժողովրդական գրողի կոչումից

Ադրբեջանի նախագահ Իլհամ Ալիեւի հրամանագրով` ադրբեջանցի գրող Աքրամ Այլիսլին զրկվել է հանրապետության ժողովրդական գրողի կոչումից. տեղեկացնում է vesti.az-ը: Ալիեւի մեկ այլ հրամանով` Այլիսլին զրկվում է նաեւ նախագահական անհատական թոշակից:

Պատճառը Այլիսլիի «Քարե երազներ» գիրքն է, որը մեծ դժգոհություն է բարձրացրել Ադրբեջանում: Ստեղծագործությունը նվիրված է Ադրբեջանական ԽՍՀ-ում բնակված հայերին: Նախաբանում գրված է. «Նվիրվում է իմ երկրացիների հիշատակին, որոնք իրենցից հետո թողեցին անարցունք մնացած ցավ»: Վեպում զուգահեռներ են տարվում 1919 թվականին Ագուլիսի հայերի ոչնչացման եւ Սումգայիթի ու Բաքվի կոտորածների միջեւ: