ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Կալանավորներին բջջային հեռախոսից էլ զրկեցին

Թերթի տեղեկություններով` արդեն 4-րդ օրն է, որ «Նուբարաշեն» ՔԿՀ-ում, մասնավորապես` կալանավայրի կլոր մասնաշենքում, կալանավորները պարզապես չեն կարողանում կապ հաստատել դրսի աշխարհի հետ: Վերջիններս ամբողջությամբ կապից զրկվել են, եւ սա, ի դեպ, պատահականություն չէ: Բանն այն է, որ կալանավայրի ղեկավարությունը հատուկ ծրագիր է մշակել` խափանել բջջային կապը, այսինքն` պայքարել բջջային հեռախոսների դեմ, որոնց օգտագործումը կալանավյրում արգելված է:

Թերթի տեղեկություններով` այս նպատակով կալանավայրի տարածքում տեղադրվել են սյուներ, որոնց վրա ամրացվել են հատուկ սարքավորումններ: Տեղադրված մոտ երեսուն սարքավորումներով խլացվելու է կապը, իսկ կալանավորներն այսուհետ ստիպված են լինելու գումարով քարտեր ձեռք բերել եւ օգտվել «շենքում» տեղադրված հեռախոսներից: