2 բրոնզե մեդալ` Հայոց բանակի օրը

Հունվարի 26-ից 28-ը Ղազախստանի Ուրալսկ քաղաքում անցկացվեց սամբոյի Մրցաշրջան 2013-ի առաջին միջազգային` A դասի մրցաշարում Հայաստանի Հանրապետությունը ներկայացնող վեց մարզիկներից երկուսը հայրենիք կվերադառնան բրոնզե մեդալով: Այս մասին տեղեկացնում է Հայաստանի սամբոյի ֆեդերացիայի պաշտոնական կայքէջը:

Երրորդ հորիզոնականն են զբաղեցրել Մարտական սամբոյի 82 կգ քաշային կարգում Մավրիկ Նասիբյանը, Մարզական սամբոյի 90 կգ ք/կ-ում Դավիթ Գրիգորյանը: Երկուսն էլ սամբոյի և ձյուդոյի օլիմպիական մանկապատանեկան մարզադպրոցի Ստեփանակերտի մասնաճյուղի սաներ են:

Քանի որ այս մեդալները նվաճվել են հունվարի 28-ին՝ Հայոց բանակի 21-րդ տարեդարձի օրը, Հայաստանի սամբոյի ֆեդերացիան տարվա առաջին ձեռքբերումը նվիրում է հայ զինվորին՝ սկսած շարքայինից, ավարտած գերագույն գլխավոր հրամանատարով: