Մեկ արծաթե և մեկ բրոնզե մեդալ` Կազանից

Ռուսաստանի Կազան քաղաքում շարունակվում է հուլիսի 6-ին մեկնարկած համաշխարհային  27-րդ Ունիվերսիադան: 

Հայ բռնցքամարտիկներից 50 կգ քաշային Հենրիկ Մոկոյանը կիսաեզրափակիչում, 0:3 հաշվով պարտվելով ռուս Սերգեյ Վոդոպյանովին, բավարարվեց բրոնզե մեդալով:

Իսկ 64 կգ քաշային Արթուր Քիրաջյանը եզրափակիչում չկարողացավ առավելության հասնել ռուսաստանցի Ռաջաբ Բուտաևի նկատմամբ և ստացավ Ունիվերսիադայի արծաթե մեդալ:

Ռուսաստանը ներկայացնող հայ բռնցքամարտիկ Միշա Ալոյանը եզրափակիչում պարտվեց Մոնղոլիան ներկայացնող Խարխու Էնխդելգերին՝ 1։2։

Սակայն Ալոյանը բողոքարկել է իր պարտությունը: Ըստ նրա` մրցավարները նրանից «գողացել» են ոսկե մեդալը: