Արման Մելիքյանն իշխանությանը երկխոսություն է առաջարկում

ՀՀ նախագահի թեկնածու Արման Մելիքյանը դասական քարոզարշավ չի անի, ծրագիրն էլ չի քարոզի` մինչեւ իր պահանջը չբավարարվի՝ մինչեւ չիմանան, թե ՀՀ-ում իրականում քանի ընտրող կա: Այս մասին նա այսօր հայտարարեց լրագրողների հետ հանդիպման ժամանակ:

Yerkir.am-ը նրանից հետաքրքրվեց, թե հնարավո՞ր է` ինքնաբացարկ հայտնի: Պարզվեց` նախագահի այս թեկնածուն ինքնաբացարկը «քաղաքական առումով նվազ արդյունավետ ճանապարհ է» համարում, եւ նա բացառեց դա:

«Մենք իշխանությանն առաջարկում ենք երկխոսություն: Ոչ մի քարոզարշավ: Մմենք կարող ենք խոսել միայն ընտրությունների օրինականությունը ապահովելու մասին»,- հայտարարեց Արման Մելիքյանը: