ԵՊԼՀ-ի նախկին ռեկտորի հայցը մերժվեց

Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ռուբեն Ափինյանը այսօր մերժեց ԵՊԼՀ նախկին ռեկտոր Ս. Զոլյանի հայցն ընդդեմ կրթության եւ գիտության նախարարության: Սուրեն Զոլյանի ներկայացուցիչ, փաստաբան Լիանա Գրիգորյանը, սակայն, վճիռը բողոքարկելու է վերաքննիչ դատարանում:

Հիշեցնենք, որ կրթության և գիտության նախարար Արմեն Աշոտյանը այս տարվա ապրիլի 17-ին հրաման ստորագրեց «Երևանի Վ. Բրյուսովի անվան պետական լեզվաբանական համալսարան» պետական ոչ առևտրային կազմակերպության գործադիր մարմնի ղեկավար` ռեկտոր Սուրեն Զոլյանի լիազորությունները դադարեցնելու և 2008 թվականի մարտի 17-ին կնքված թիվ 134 աշխատանքային պայմանագիրը լուծելու մասին, որի համար հիմք են ծառայել ՀՀ կրթության և գիտության նախարարի 2012 թվականի ապրիլի 6-ի թիվ 160-Ա և 2012 թվականի ապրիլի 17-ի թիվ 173-Ա հրամանները։