Դերենիկ Դումանյանը փնտրում է ″խոշոր ձկների″, որպեսզի ″գլխից բռնի″

Լրագրողների հետ հանդիպման ժամանակ ՀՀ առողջապահության նախարար Դերենիկ Դումանյանը նշեց, որ առողջապահության նախարարությունում փնտրում են «խոշոր ձկների», որպեսզի գլխից բռնեն:

Նախարարը նշեց, թե ինքը խնդիր չունի,եւ եթե կհայտնվեն մարդիկ, ովքեր իրենց պարտականությունները չեն կատարի` անկախ իրենց մեծությունից`բոլոր իմաստներով, կպատժվեն:

«Ես համաձայն եմ նախագահի այն մտքի հետ, որ ազգաբնակչության 1/3-ը դժգոհ է հենց մեր համակարգից: Այս ընթացքում մենք տարբեր ծրագրեր իրականացրինք, որպեսզի կարողանանք համակարգի նկատմամբ փոխել մարդկանց վերաբերմունքը»,- ասաց նախարարը:

Դումանյանը նշեց, որ եթե բժիշկն ու հիվանդը խոսեն միայն հիվանդությունից եւ դրա բուժման ձեւերից, ամեն ինչ տեղը կընկնի: Ըստ նախարարի` հիվանդը չպետք է մտածի, թե իր փոխարեն ո՞վ պետք է վճարի: