Ինչո՞ւ Սասուն Միքայելյանը չէր գնացել ՀՀՇ համագումարին

Արդեն տեղեկացրել էինք, որ շաբաթ օրը ՀՀՇ համագումարին Սասուն Միքայելյանը չէր եկել, թեեւ ՀՀՇ-ից հրավեր եղել էր: Նշենք, որ Սասուն Միքայելյանը ներկա էր «Հանրապետություն» կուսակցության համագումարին:

Այսօր, երբ րոպեներ անց մեկնարկելու է «Ազատություն»  կուսակցության համագումարը, եկավ նաեւ Սասուն Միքայելյանը: Yerkir.am-ի հարցին, թե ո՞րն էր ՀՀՇ համագումարին չգնալու պատճառը, երբ  «Հանրապետություն» եւ «Ազատություն» կուսակցությունների համագումարին մասնակցել է, Սասուն Միքայելյանը պատասխանեց. «Վատառողջ էի»:

Դա՞ էր պատճառը, թե՞ այլ ենթատեքստ կար` հետաքրքրվեցինք Միքայելյանից: «Ես ենթատեքստերով չեմ ապրում»,- հայտարարեց նա:

«Ազատություն կուսակցությունը», ինչպես մեր թղթակցին հայտարարեց կուսակցության նախագահ Հրանտ Բագրատյանը, հրավիրվել է ՀԱԿ-ին մաս կազմող եւ նախկինում կազմած կուսակցություններին: Համագումարին ներկա են Արամ Սարգսյանը, Լյուդմիլա Սարգսյանը, Պետրոս Մակեյանը, Խաչատուր Քոքոբելյանը եւ Ալեքսանդր Արզումանյանը: