Reuters-ի թղթակիցները հարձակման են ենթարկվել իսրայելցի զինվորների կողմից

Reuters գործակալությունը հայտարարել է, որ իր թղթակիցները հարձակման են ենթարկվել իսրայելցի զինվորների կողմից. տեղեկացնում է РБК-ն:

Գործակալության ավոտմեքենան մեկնելիս է եղել Հորդանանի Արեւմտյան ափ` հետաքննելու երեկ իսրայելցի զինվորների կողմից պաղեստինցի դեռահասի սպանության վայրը (խաղալիք ատրճականով հարձակվել էր իսրայելցիների վրա), սակայն զինծառայողները կանգնեցրել են մեքենան, լրագրողներին ստիպել դուրս գալ` նրանց հարվածելով զենքերի խզակոթերով: Այնուհետեւ հրամայել են հանվել մինչեւ ներքնաշորերը եւ պառկել գետնին, որից հետո էլ արցունքաբեր գազ են բաց թողել:

Իսրայելի պաշտպանության նախարարությունը հայտարարել է, որ հետաքննության է սկսել, սակայն հրաժարվել է որեւէ մեկնաբանության անել մինչեւ դրա ավարտը: