Կրակոցներ՝ Չինարիում. Yerkir.am-ի թղթակիցները չեն կարողանում փողոց դուրս գալ

Հենց այս պահին հակառակորդը կրակում է Չինարի գյուղի ուղղությամբ: Այս մասին հենց Չինարիից հայտնում են Yerkir.am-ի թղթակիցները, ովքեր սահմանամերձ գյուղում են՝ տեսանկարահանումներ կատարելու համար:

Մեր թղթակիցներին գյուղացիները հորդորում են դուրս չգալ փողոց՝ ասելով, որ շատ վտանգավոր է, եւ կրակոցներն էլ շատ են: Մեր գործընկերները տեղեկացնում են նաեւ, որ, իրոք, կրակոցներն այնքան շատ են, որ չեն կարողանում աշխատել եւ սպասում են՝ մինչեւ իրավիճակը հանդարտվի:

Հիշեցնենք, որ հուլիսի 9-ի կեսօրին եւ գիշերը հակառակորդը դարձյալ կրակոցներ է արձակել Չինարիի ուղղությամբ: Չինարիի գյուղապետ Սամվել Սաղոյանը հայտնել էր, որ վնասվել են գյուղի տների դռները, պատուհաններն ու տանիքները: