Կալանավոր Տեր-Պողոսյանը քիմիաթերապիայի կուրսեր է ստանում

Մանկապղծության համար 15 տարվա ազատազրկման դատապարտված` ՀՀ վարչապետի նախկին խորհրդական, «Ախթալայի լեռնահարստացուցիչ կոմբինատի» գլխավոր տնօրեն, «Մեթըլ Փրինս Էլ Թի  Դի կորպորացիայի » նախագահ, ԱՄՆ քաղաքացի Սերոբ Տեր-Պողոսյանը, ով իր պատիժն է կրում «Նուբարաշեն» ՔԿՀ-ում, yerkir.am-ի տեղեկություններով, շաբաթական երկու անգամ Ֆանարջյանի անվան ուռուցքաբանության ազգային կենտրոնում  քիմիաթերապիայի  կուրսեր է  ստանում: 

 70-ամյա դատապարտյալը 3 վիրահատություն է տարել, ընդ որում` մեկը` ԱՄՆ-ում: Վերջին վիրահատությունից հետո նրա վիճակը բարելավվել է, սակայն կյանքի տևողությունը երկարացնող կուրսերը պարզ չէ,  թե որքան  կծառայեն հիվանդին:  Այնուամենայնիվ, կալանավորը գտնվում է բժիշկների անմիջական  վերահսկողության  տակ:

Հիշեցնենք, որ «Ախթալայի լեռնահարստացման կոմբինատի» սեփականատերը Լոռու մարզի ընդհանուր իրավասության դատարանի կողմից ազատազրկման էր դատապարտվել անցյալ տարի' 10 և ավելի անչափահաս տղաների հետ սեքսուալ բնույթի գործողություններ անելու, համասեռամոլության եւ սեռական ոտնձգությունների համար:  Վերաքննիչ  քրեական դատարանը մերժել էր տղայապիղծի բողոքը և առաջին ատյանի վճիռը թողել անփոփոխ: