Կոնգոյում խոլերայի զոհ է դարձել 23 մարդ

Խոլերայի համաճարակի պատճառով Կոնգոյի Ժողովրդավարական Հանրապետությունում առնվազն 23 մարդ է մահացել: Թեեւ համաճարակն արդեն ետ է քաշվում Մբանդակայում, այն դեռ շարունակում է ակտիվ մնալ երկրի որոշ մասերում, մասնավորապես` Հարավային Ուբանգայում: Այստեղ նոյեմբերի 5-ից գրանցվել է խոլերայից մահվան 15 դեպք: Նույն ժամանակահատվածում 8 մարդ է մահացել նաև Բասանկուսույում:

Սակայն հետաքրքիրն այն է, որ հիվանդները չեն այցելում Մբադանկա քաղաքում գտնվող խոլերայի բուժման կենտրոն եւ, ամենայն հավանականությամբ, կենտրոնը շուտով կփակվի. «Բժիշկներ առանց սահմանների» կազմակերպությունն արդեն ետ է կանչում իր աշխատակիցներին: